20 наурыз – Ұлттық спорт күні

Халқымыздың күш-қуаты мен батырлық рухын дәріптейтін ерекше күн. Ұлттық спорт түрлері – ата-бабамыздан қалған асыл мұра, ұлттың жігері мен намысын айқындайтын құндылық. Көкпар мен бәйге, қазақ күресі мен асық ату секілді ойындардың әрқайсысында халқымыздың өмір салты, ерлік дәстүрі мен қайсар мінезі көрініс табады.
Ұлттық спортты құрметтеу – өз тарихымызды тану, рухани байлығымызды бағалау. Бұл күні ұлттық ойындарға қатысып, салауатты өмір салтын насихаттау, жас ұрпаққа үлгі көрсету – әрқайсымыздың міндетіміз. Спорт арқылы бірлік пен татулықты нығайтып, ұлт рухын асқақтату – басты мақсат.
Ұлттық рухымыз әрдайым биік болып, дәстүрлі спорт түрлері дамып, кеңінен насихаттала берсін! Еліміздің жастары мықты, қайсар болып өсіп, ұлттық құндылықтарымыз мәңгі жасай берсін!